英國皇家鑄幣局特別推出《英女王90大壽》紀念幣，以「EIIR」、「90」、「玫瑰」等字樣及圖案，記錄歷史一刻。在香港代理此系列紀念幣的國際金錢（香港）有限公司，指系列銷情極佳，「有啲貨根本未返到香港就已經有客打嚟留貨，冇哂貨」，又指但凡英國皇家鑄幣局的出品都甚有市場，「始終都可能（對英國）有啲情意結」。
記者：葉偉東
這次英國皇家鑄幣局推出的《英女王90大壽》紀念幣，正面設計由英女皇御准的藝術家Christopher Hobbs設計，正中央刻有「EIIR」，代表英女皇伊利沙伯二世（Elizabeth II， R則是拉丁文Regina的簡寫，解作皇后）的徽號，「90」就自然代表英女皇的90歲大壽。國際金錢（香港）有限公司發言人指紀念幣皇冠圖案為女皇加冕時所戴的聖愛德華皇冠，「至於九朵玫瑰就其實都各有形態，代表咗英女皇人生中嘅每一個十年，可以話好有特色、好精美」。
發言人又指紀念幣的背面圖案是採用上年才出爐的英女皇第五代肖像，「你可以睇到佢今次嘅肖像比以前嘅唔同，除咗戴咗個更大更華麗嘅皇冠，亦都戴咗對耳環，顯得更加高貴；但佢又同時微笑緊，更突顯英女皇和藹同親民嘅一面」。
今次《英女王90大壽》紀念幣亦以「重量級」特色來突顯英女皇的貴重地位。其一是全球僅發行150枚的五盎司精裝金幣，以999純金鑄造，重156克，價值超過十萬元，「呢款貨我哋都只係攞到少量貨，好多客已經同我哋話要留貨，好搶手」。
另一款拍得住英女皇份量的，就是全球限量250枚，重達一公斤的精裝銀幣，「呢款嘅特別除咗佢真係特別重，正面圖案亦刻有一行”FULL OF HONOUR AND YEARS “字樣，係其他幾款都冇嘅，睇得出皇家鑄幣局同設計師係呢個系列紀念幣真係特別有心機，唔係就咁放大個設計就算」。
系列並有「加厚版」精裝銀幣、「加厚版」精裝鉑金幣、精裝金幣等不同款色，價格各異，不想花太多錢但又想留個紀念，都可以考慮買普通金屬鑄造的普鑄版紀念幣，賀一賀「事頭婆」90大壽。
查看原文>>
資料來源： 2016-04-20 蘋果日報
更多討論，更多意見分享，請到此文章的討論專欄