郵政儲蓄銀行（1658）今日終於招股，噚日上市記者會，公司送嘅紀念品唔係常見嘅「尿袋」（充電器）、筆等等，而係紀念郵票，正路得嚟又有啲驚喜。
郵儲行特登製作香港特別活動紀念版郵票，一套八張，四張「賀」字、四張牡丹花，攞個好意頭，又突出公司個性。事關郵儲行本來就係中國郵政子公司，歷史最早可以到1919年開辦嘅郵政儲金業務，即係一間郵局，又可以寄信，又可以存錢、滙兌，招緊股嘅呢間郵儲行公司，就2007年先成立。
不過，呢套郵票係中國郵政出品，即係香港唔用得架，唔知遲啲有冇人拎去樓上集郵店去炒呢？唔知除咗郵票，仲有冇出其他郵品呢？
查看原文>>
資料來源：2016-09-14 蘋果日報
